10.10.2012, 16:42
Lincoln
Crodo ais l' hom, chi liberted volaiva
Duner al sclev dad anns innò chalchò;
Sün el il sguard fidaint ognün fixaiva
Sperand ün avegnir lönch giavüscho!
Pe 'l bain da tuots suvenz se stres smanchaiva,
Che recompensa ho el uossa co?
Ün morder schelm il fled del grand stüzaiva,
Infamamaing füt el assassinò!
Crodo ais el! La liberted il crida
Sco sieu constant, valent propugnatur,
Il scelv oppress sa pü valabl' egida!
O musa tü sensibl' alla dolur
Resaint' il led d' üna naziun intera
e clamm' al sclev: be liberted tü spera!
Crodo ais l' hom, chi liberted volaiva
Duner al sclev dad anns innò chalchò;
Sün el il sguard fidaint ognün fixaiva
Sperand ün avegnir lönch giavüscho!
Pe 'l bain da tuots suvenz se stres smanchaiva,
Che recompensa ho el uossa co?
Ün morder schelm il fled del grand stüzaiva,
Infamamaing füt el assassinò!
Crodo ais el! La liberted il crida
Sco sieu constant, valent propugnatur,
Il scelv oppress sa pü valabl' egida!
O musa tü sensibl' alla dolur
Resaint' il led d' üna naziun intera
e clamm' al sclev: be liberted tü spera!